Elde jalǵa beriletin samokattarǵa qandaı nómir beriletini anyqtaldy

ASTANA. KAZINFORM — Qazaqstanda jalǵa beriletin elektrli samokattardy esepke alý jáne nómirleý tártibi engiziledi, dep habarlaıdy ІІM baspasóz qyzmeti.

Elimizde elektrli samokattardy jalǵa berýmen aınalysatyn kompanııalar men jeke kásipkerler úshin jańa talaptar engiziledi. Bul sharalar jalǵa berý qyzmetin retteýge jáne qala kóshelerindegi samokattardy ońaı sáıkestendirýge baǵyttalǵan.

— Jańa tártipke sáıkes, jalǵa beriletin árbir elektrli samokatqa biregeı tirkeý nómiri berilýi tıis. Bul nómirdi samokat paıdalanýǵa berilmes buryn prokat operatory ózi taǵaıyndaıdy. Tirkeý nómiri bir latyn árpinen jáne bes sannan turady. Latyn árpi belgili bir operatorǵa bekitiledi jáne sol kompanııanyń barlyq samokatyna qoldanylady. Mysaly, eger kompanııaǵa «A» árpi berilse, onyń samokattary A00001, A00002, A00003 jáne osy tártippen nómirlenedi. Bul áripti basqa operator paıdalana almaıdy, — delingen habarlamada.

Sonymen qatar jalǵa berýmen aınalysatyn kompanııalar ózderine tıesili barlyq elektrli samokatty mindetti túrde esepke alyp otyrýy qajet.

Esepke alý derekterine mynalar engiziledi:

• samokattyń markasy, modeli jáne shyǵarylǵan jyly;

• serııalyq nómiri;

• paıdalanýǵa engizilgen jáne paıdalanýdan shyǵarylǵan kúni;

• tehnıkalyq qyzmet kórsetý jáne jóndeý týraly málimetter;

• berilgen tirkeý nómiri.

Tirkeý nómiri berik materıaldan jasalýy kerek. Ol ylǵalǵa, kún sáýlesine jáne temperatýranyń aýytqýyna tózimdi bolýy tıis, sondaı-aq jaryq shaǵylystyratyn jabyndysy bolýy qajet. Nómir samokattyń artqy bóliginde dóńgelektiń ústine, sondaı-aq rýl tireginiń eki jaǵyna ornalastyrylady. Eger samokat paıdalanýdan shyǵarylsa, oǵan berilgen tirkeý nómiri esep júıesinde saqtalady jáne basqa samokatqa qaıta berilmeıdi. Bul talaptar jalǵa beriletin elektr samokattardy baqylaýdy jeńildetip, qaýipsizdikti arttyrýǵa jáne prokat qyzmeti naryǵynyń ashyqtyǵyn qamtamasyz etýge múmkindik beredi. 

Buǵan deıin Almatyda elektrli samokattardy paıdalanýǵa qatysty zańnamalyq ózgerister men jańa talaptar talqylanǵanyn jazǵan edik.