Elde kóshedegi valıýta tablosyna tyıym salynady
ASTANA. KAZINFORM — Endi valıýta baǵamy týraly aqparattyq stend (tablo) aıyrbastaý pýnkitiniń ishinde nemese kassa janynda bolýy kerek.
— Aqparattyq stendti (tablo) aıyrbastaý pýnktinen tys jerde, onyń ishinde ǵımarat pen mekemeniń shatyrynda, syrtqy qabyrǵasynda, statsıonarlyq, jyljymaly jáne tasymaldanatyn stendter ornalastyrýǵa jol berilmeıdi, — delingen qujatta.
Jańa tártipke sáıkes, aqparattyq stend, ıaǵnı valıýta baǵamy kórsetilgen tablo kóshede ashyq keńistikke qoıylmaýy tıis.
Biraq, valıýta aıyrbastaý pýnkti kópfýnktsııanaldy maqsattaǵy ǵımarattar men qurylystarda (onyń ishinde iskerlik ortalyqtar), vokzal, kazıno aýmaǵynda, áýejaı ishinde, sondaı-aq Qazaqstan Respýblıkasynyń memlekettik shekarasy arqyly ótetin avtomobıl, teńiz jáne ózen beketteri aýmaǵynda ornalasqan jaǵdaıda tabloǵa ruqsat etiledi.
Qaýly 2025 jylǵy 9 qyrkúıekte kúshine enedi.
Eske salsaq búgin Astana men Almaty qalalaryndaǵy aqsha aıyrbastaý pýnktterinde dollar 517 — 523 teńgeden saýdalanyp jatyr.
Aıta ketelik kóshedegi valıýta baǵamyn kórsetetin kestelerge tyıym salý sharasy 2 aılyq synaqtan ótetini týraly jazǵan edik.