Elde kókónis jáne jemis shyrynynyń óndirisi artty
ASTANA. KAZINFORM – Bıyl qańtar–mamyr aılarynda Qazaqstanda jemis pen kókónis shyryndarynyń óndirisi aldyńǵy jyldyń sáıkes kezeńimen salystyrǵanda 6,3% ósti.
— Bes aı ishinde otandyq kásiporyndar 36,3 myń tonna ónim óndirdi. Qazaqstandyq ónimniń naryqtaǵy úlesi 60%, — delingen Ulttyq statıstıka bıýrosynyń habarlamasynda.
Import kólemi de 13,6% artty. Esepti kezeńde elge 24,2 myń tonna shyryn ákelindi.
Kerisinshe, eksport 0,4% azaıdy, shetelge 1,3 myń tonna ónim jóneltildi.
Іshki naryqtaǵy tutyný 9,3% ósip, 59,3 myń tonnaǵa jetti. Al 2024 jyldyń qańtar–mamyrynda bul kórsetkish 54,2 myń tonna bolǵan.
Aıta ketelik elde shyryn men lımonad baǵasy qansha ekeni týraly jazǵan edik.
