Elde qansha ardager turady

ASTANA. KAZINFORM —  2025 jylǵy 1 qazandaǵy jaǵdaı boıynsha elde 79 313 ardager turady. 2025 jyly atalǵan sanattardaǵy azamattarǵa 12,6 mlrd teńge somasynda arnaýly memlekettik járdemaqy tólendi. 2025 jyly osy maqsattarǵa 17 mlrd teńge qarastyrylǵan.

— 2025 jylǵy 1 qazandaǵy jaǵdaı boıynsha Qazaqstanda 79 313 ardager turady, onyń ishinde Ekinshi dúnıejúzilik soǵystyń 86 ardageri, jeńildikter boıynsha Ekinshi dúnıejúzilik soǵys ardagerlerine teńestirilgen 16 556 ardager, 26 587 basqa memleketterdiń aýmaǵynda urys qımyldarynyń ardagerleri, 36 084 UOS jyldaryndaǵy tyl eńbekkerleri bar. 2025 jyly atalǵan sanattardaǵy azamattarǵa 12,6 mlrd teńge somasynda arnaýly memlekettik járdemaqy tólendi. 2025 jyly osy maqsattarǵa 17 mlrd teńge qarastyrylǵan, — delingen Eńbekmıni habarlamasynda.

Respýblıkalyq bıýdjetten beriletin aı saıynǵy arnaýly memlekettik járdemaqy ardagerlerdiń barlyq sanattaryna, ózge de áleýmettik tólemderdi alýyna qaramastan, mynadaı mólsherde tólenedi:

1. Ekinshi dúnıejúzilik soǵys ardagerleri — 16 AEK (2025 jyly — 62 912 teńge);

2. Jeńildikteri boıynsha Ekinshi dúnıejúzilik soǵys ardagerlerine teńestirilgen ardagerler, olardyń ishinde:

• Ekinshi dúnıejúzilik soǵys kezeńinde jaraqat alýy, kontýzııa alýy, mertigýi nemese aýrý saldarynan múgedektigi bar adamdarǵa jeńildikter boıynsha teńestirilgen adamdar — 7,55 AEK (2025 jyly — 29 687 teńge);
• jeńildikter boıynsha Ekinshi dúnıejúzilik soǵysy qatysýshylaryna teńestirilgen tulǵalar — 6,19 AEK (2025 jyly — 24 339 teńge);

3. basqa memleketterdiń aýmaǵyndaǵy urys qımyldarynyń ardagerleri, onyń ishinde:

• Aýǵanstandaǵy urys qımyldaryna qatysýshylar — 6,19 AEK (2025 jyly — 24 339 teńge);
• Tájik-Aýǵan ýchaskesinde TMD shekarasyn qorǵaýdy kúsheıtý jónindegi mindetterdi oryndaǵan, Iraktaǵy halyqaralyq bitimgershilik operatsııaǵa, Taýly Qarabaqtaǵy etnosaralyq qaqtyǵysty retteýge qatysqan áskerı qyzmetshiler — 4,8 AEK (2025 jyly — 18 874 teńge);

4. Ekinshi dúnıejúzilik soǵys jyldaryndaǵy tyl eńbekkerleri — 2,13 AEK (2025 jyly — 8 376 teńge). 

Aıta ketelik jyl basynan beri ataýly áleýmettik kómek 51 myń otbasyndaǵy 274,4 myń adamǵa 24,6 mlrd teńge somasynda taǵaıyndalǵan edi.