Elde bazar sany azaıdy

ASTANA. KAZINFORM — 2025 jyldyń qorytyndysy boıynsha elimizde 588 bazar jumys isteıdi, 2024 jylǵa qaraǵanda bazar sany 38-ge azaıǵan. Bul týraly Ulttyq statıstıka bıýrosy habarlady. 

Olardyń basym bóligi qalalyq jerlerde ornalasqan (417), aýyldyq jerlerde - 171 bazar.

Bazar sany boıynsha tizim basynda Túrkistan oblysy tur - 103, odan keıin Almaty oblysy - 57 men Aqtóbe oblysy - 53. Saýda bazary Ulytaý oblysynda eń az - 6 bazar.

Bazardaǵy saýda oryndarynyń sany da bir jyl ishinde azaıyp, 147,6 myńǵa jetti (2024 jyly - 150,8 myń).

Óńirlik bóliniste saýda oryndarynyń eń kóp sany Almaty qalasynda tirkelgen (26,5 myń), alǵashqy úshtikte, sondaı-aq, Jambyl (19,8 myń) men Almaty oblystary da bar (17,2 myń).

Jalpy bazar sanynyń ishinde 265 bazar zańdy tulǵalarǵa tıesili bolsa, 323 bazar dara kásipkerlerdiń ıeliginde.

588 bazardyń 9 kommýnaldyq, 323 jabyq bazarǵa jatady. Satylatyn taýar túrine qaraı 222 bazar mamandandyrylǵan, al 366 - ámbebap.

Saýda kólemi boıynsha 39 bazar kóterme, 549 bazar bólshek saýdaǵa arnalǵan.

Aıta ketelik Almatyda «Baısat» bazary úshinshi ret satylymǵa shyǵarylǵany týraly jazǵan edik.