Elde altyn óndirý kólemi artty ma
ASTANA. KAZINFORM – Qazaqstan Respýblıkasy Ónerkásip jáne qurylys mınıstrligi keıingi jyldary elde altyn, mys, bolat jáne shoıynnyń óndirisi qanshalyqty óskeni jaıynda málimet berdi.
Búginde Qazaqstan Respýblıkasynyń metallýrgııa salasynda negizgi metaldardy óndirýde birshama ósim baıqaldy.
- 2024 jyly altyn óndirý kólemi 72,1 tonna boldy, al 2025 jyly ol 71,2 tonnany qurady. Mys boıynsha 2024 jyly óndiris 463,9 myń tonna deńgeıinde boldy, 2025 jyly ol 471 myń tonnaǵa deıin artty. Sonymen qatar, bolat boıynsha 2024 jyly óndiris kólemi 4113 myń tonna boldy. 2025 jyly osy kórsetkish 4271,9 myń tonnaǵa deıin ósti, - delingen mınıstrliktiń Kazinform agenttigine bergen jaýabynda.
Al 2024 jyly shoıyn óndirisi 3 351 myń tonna deńgeıinde boldy, 2025 jyly onyń kólemi 3 529 myń tonnaǵa deıin artty.
Aıta keteıik, Ulttyq banktiń málimetine sáıkes, 26 aqpan tańerteńgi jaǵdaı boıynsha bir gramm altynnyń baǵasy 82 542,16 teńgeni qurady.
Budan buryn habarlanǵandaı, Qazaqstannyń altyn rezervi 345 tonnaǵa jetti.