El aýmaǵynda apta ishinde 2 830 qylmys jasaldy
El aýmaǵynda apta ishinde 2 830 qylmys jasaldy. Bul týraly Іshki ister mınıstrligi baspasóz qyzmetiniń ókili Shuǵyla Turlybek málim etti, dep habarlaıdy Kazinform.
«Bir apta ishinde 2 830 qylmys jasaldy. Onyń 1 715-i táýlik ishinde ashyldy. Polıtsııa qyzmetkerleri «izin sýytpaı» 11 kisi óltirýdi, 6 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 31 tonaý jáne 377 bóten múlikti urlaý qylmystaryn ashty», - dedi ol ІІM baspasóz qyzmeti alańynda ótken brıfıngte.
Máselen, Aqmola oblysynyń eki turǵyny transformatorlyq qosalqy stantsııalardan jabdyqtardy kezekti ret urlaý barysynda ustalǵan. Olar qosalqy stantsııadan tórt blok - modýldik relelik qorǵanysty urlaýǵa tyrysqan.
«Mundaı bir qorǵanystyń quny 2,5 mln teńgeni quraıdy. Alty derek boıynsha jalpy shyǵyn 100 mıllıon teńgeden asty. Olar ýaqytsha ustaý ızolıatoryna qamaldy», - dedi baspasóz qyzmetiniń ókili.
