Eks-sýdıa Saılybaevanyń ólimi: Qylmystyq is Reseıge berilýi múmkin

ASTANA. KAZINFORM — Qazaqstan Germanııada kisi qolynan qaza tapqan eks-sýdıa Aıgúl Saılybaevtyń kúıeýi men enesiniń azamattyǵyn anyqtaý úshin Reseıge halyqaralyq tergeý tapsyrmasyn berdi. Bul týraly Májilistiń jalpy otyrysynan keıin Bas prokýrordyń orynbasary Ǵalymjan Qoıgeldıev aıtty.

Onyń atap ótýinshe, elimizdiń Іshki ister mınıstrligi azaptaý faktisi boıynsha qylmystyq is qozǵaǵan. 

— Reseı Federatsııasyna eki tulǵanyń da azamattyǵyn anyqtaý úshin halyqaralyq tergeý tapsyrmasy jiberildi. Ózderińiz biletindeı, Reseı de, bizde óz azamattarymyzdy bermeımiz. Biz olardyń azamattyǵyn anyqtaǵannan keıin qylmystyq isti tıisti jazalaryn alýy úshin reseılik tarapqa beremiz, — dedi Bas prokýrordyń orynbasary.

Ǵalymjan Qoıgeldıevtiń sózinshe, RF Tergeý komıtetiniń tóraǵasy Aleksandr Bastrykın atalǵan isti jeke baqylaýyna alǵan. Degenmen, ol naqty merzimin ázirshe aıta almaıtyndyǵyn atap ótti.

Buǵan deıin elimizdiń Іshki ister mınıstrligi Germanııada kisi qolynan qaıtys bolǵan Aıgúl Saılybaevanyń kúıeýi Aleksandr Dontsov pen onyń anasy Natalıa Dontsovaǵa izdeý salǵanyn jazǵan edik.

Keıin Reseı Tergeý komıteti osy iske qatysty protsessýaldyq tekserý júrgizip jatqany belgili boldy.