Eks-mınıstr Ajar Ǵınııat qaıda júr
ASTANA. KAZINFORM – Densaýlyq saqtaý mınıstri Aqmaral Álnazarova eks-mınıstr Ajar Ǵınııattyń qaıda ekenin aıtty.
«Biz baǵaly kadrlarymyzdy dalaǵa tastaı almaımyz. Ajar Ǵınııatqyzynyń densaýlyq saqtaý júıesinde ákimshilik jumystar boıynsha tájirıbesi orasan. Onyń sol tájirıbesin paıdalanatynymyz sózsiz», - dedi ol bilim salasyna arnalǵan alqa májilisiniń aldynda.
Biraq mınıstr áriptesiniń naqty qandaı laýazymǵa taǵaıyndalatynyn aıtpady.
«Ajar Ǵınııatqyzynyń naqty qandaı jumysqa keletinin jýyqta bilesizder. Naqty qandaı laýazym bolatyny ázirge belgisiz. Biraq densaýlyq saqtaý júıesinde bolatyny sózsiz. Onyń tájirıbesi bizge kerek. Qazir demalyp jatyr, onymen kúndelikti baılanystamyz», - dedi mınıstr.
