Eks-dıplomat Sáken Mamashqa shyqqan úkim ózgerissiz qaldy
ASTANA. KAZINFORM — Apellıatsııalyq ınstantsııa burynǵy dıplomat Sáken Mamashqa qatysty birinshi satydaǵy sottyń úkimin ózgerissiz qaldyrdy, dep habarlaıdy Kazinform tilshisi.
Sot málimetinshe, Sáken Mamash QR Qylmystyq kodeksiniń 110-baby 2-bóliginiń 1-tarmaǵy boıynsha kináli dep tanylyp, alty jylǵa bas bostandyǵynan aıyryldy.
Sonymen qatar QR QK-niń 49-baby negizinde onyń dıplomatııalyq dárejesi — birinshi synypty keńesshi ataǵy kúshin joıdy.
Úkim bıylǵy 18 shildede shyǵarylǵan.
Eske salaıyq, 2024 jylǵy mamyrda Sáken Mamashtyń burynǵy jubaıy Karına Gosman on jylǵa sozylǵan fızıkalyq jáne seksýaldyq zorlyq-zombylyq týraly málimdegen bolatyn.
Osydan keıin Mamash qyzmetinen shettetildi. Buǵan deıin sot oǵan 15 táýlikke ákimshilik qamaý taǵaıyndaǵan edi.
