Ekonomıkada ınflıatsııalyq qysym saqtalyp otyr - UB

ASTANA. KAZINFORM - Ekonomıkada ınflıatsııalyq qysym saqtalyp otyr. Bul týraly Ulttyq bank tóraǵasy Tımýr Súleımenov aıtty.

- Ulttyq banktiń Aqsha-kredıt saıasaty komıteti bazalyq mólsherlemeni 16,5 paıyz deńgeıinde saqtaý týraly sheshim qabyldady. Búgingi sheshim boljamdyq raýndqa negizdeldi. Ony qabyldaý kezinde biz ınflıatsııa men ekonomıkalyq ósý boljamyn jańarttyq. Aǵymdaǵy makroekonomıkalyq kórsetkishterdi eskerdik. Boljamymyzdy jańarttyq. Táýekelder balansyn jan-jaqty baǵaladyq. Ekonomıkada ınflıatsııalyq qysym saqtalyp otyr. Qysqamerzimdi ınflıatsııalyq kútýler qubylmaly kúıinde. Inflıatsııanyń ornyqty bóligi biraz tómendegenimen, joǵary bolyp qalýda, - dedi Tımýr Súleımenov. 

Onyń, dereginshk, ekonomıka joǵary qarqynmen ósip keledi. Suranys usynystan artyp, baǵalarǵa áser etip otyr. Suranystyń joǵary deńgeıde saqtalyp qalýyna tutynýshylyq kredıtteý qosymsha sebep boldy. Syrtqy jaǵdaı saýdadaǵy shekteýlerdiń ósýi men geosaıası shıelenis jaǵdaıynda qalyptasýda. Álemdik azyq-túlik baǵasynyń toqtaýsyz ósip keledi.

- Osy faktorlardyń jıyntyǵy baǵalardyń ósýine ákeldi Biz úshin ınflıatsııalyq kútýlerdi turaqtandyryp, ınflıatsııany tómendetý – basym mindet. Sol úshin Ulttyq bank aqsha-kredıt sharttarynyń ustamdy qatańdyǵyn uzaǵyraq saqtaıtyn bolady. Paıyzdyq saıasatpen shektelmeı, sonymen qatar qosymsha sharalar kesheni de mańyzdy ról atqarady.

Buǵan deıin Ulttyq bank bazalyq mólsherlemeni taǵy da 16,5 paıyz deńgeıinde qaldyrǵanyn jazǵan edik.