Ekibastuzda GRES-2 ǵımaratynyń shatyry jelden kókke ushty
EKІBASTUZ. QazAqparat – Ekibastuzda daýyldy jel GRES-2 stantsııasynyń ákimshilik-turmystyq kesheniniń shatyryn julyp áketti, dep habarlaıdy QazAqparat Pavlodarnews.kz-ke silteme jasap.
Oblystyq Tótenshe jaǵdaılar departamentiniń baspasóz qyzmetiniń málimetinshe, oqıǵa búgin, 8 maýsymda bolǵan. Habarlama «112» pýltine túsken.
«1994 jyly salynǵan» SEGRES-2 «AQ ákimshilik-turmystyq kesheni ǵımaratynyń shatyry zaqymdaldy. Shatyr jabyndysy shamamen 2010 jyly ornatylǵan. Julynǵan shatyrdyń aýdany shamamen 100 sharshy metrdi quraıdy»,- delingen málimette.
Qaza bolǵandar men zardap shekkender joq.
Keltirilgen shyǵyn aldyn ala tekserý men baǵalaýdan keıin belgili bolady.
