Máskeýdegi Eýrazııalyq ekonomıkalyq komıssııanyń shtab-páterinde Naýryz meıramy toılandy
ASTANA.KAZINFORM - Máskeýdegi Eýrazııalyq ekonomıkalyq komıssııanyń shtab-páterinde Naýryz meıramy toılandy. Komıssııa eki negizgi mereke – Naýryz ben Oraza aıtty biriktirdi, dep habarlaıdy Kazinform tilshisi.
Bıyl bul mereke ekinshi ret toılanyp otyr, ony osy uıymǵa óz elderiniń atynan shyqqan Qazaqstan men Qyrǵyzstan azamattary uıymdastyrdy. Ótken jyly Qazaqstannyń tóraǵalyǵynyń bastalýymen bul mereke alǵash ret atalyp ótti. Uıymdastyrýshylar Naýryz meıramyn toılaý tujyrymdamasyn qoldap, onyń búkil atmosferasyn jasaýǵa tyrysty.
Týǵan jerinen myńdaǵan shaqyrym jyraqta júrse de, týǵan eline jaqyndyǵyn, aýyzbirshiligin, bir-birine degen qurmetin kórsetti.
Qonaqtardy kóshpendilerdiń ómirimen, turmysymen tanystyratyn jádigerler kórsetildi. Qonaqtar «Tusaý kesý» rásimin tamashalap, ulttyq bı men halyq ánderi oryndaldy. Qonaqtarǵa Naýryz meıramyna arnalǵan dástúrli kóshpendiler dastarhany da usynyldy.
Osyǵan deıin AQSh-tyń Qazaqstandaǵy elshisi el turǵyndaryn Naýryz meıramymen quttyqtaǵanyn jazdyq.
