EAEO-nyń kelesi otyrysy Shymkentte ótedi

ShYMKENT. KAZINFORM — 2026 jyldyń naýryzynda Shymkentte Eýrazııalyq úkimetaralyq keńestiń kezekti otyrysy ótedi. Bul – halyqaralyq yntymaqtastyqty nyǵaıtyp qana qoımaı, óńirdiń bedelin arttyra túsetin mańyzdy oqıǵa.

Shymkent Óńirlik kommýnıkatsııalar qyzmetiniń dereginshe, Qazaqstan kelesi jyly EAEO-ǵa tóraǵalyq etedi. Bul – zor jaýapkershilik. Sondyqtan, el úkimeti uıymdy jańa deńgeıge kóterý úshin barlyq qajetti qadamdardy josparlap otyr.

Sondaı-aq, Premer-mınıstr Oljas Bektenov óz sózinde aldaǵy mindetterdi aıqyn baıandap, seriktes elderdi 2026 jyldyń 26-27 naýryzy kúnderi Shymkentke shaqyrdy.

- Kelesi jyly bes eldiń premer-mınıstrleri Shymkentte bas qosyp, ózara yntymaqtastyq pen bolashaqqa baǵyttalǵan mańyzdy máselelerdi talqylaıdy. Bul — tek resmı kezdesý ǵana emes, óńirimizdiń damýyna, halyqaralyq qarym-qatynasymyzdyń nyǵaıýyna jańa serpin bermek. 

Sonymen qosa, zamanaýı tehnologııalar men tsıfrlyq sheshimder talqylanatyn dástúrli Digital Forum da Shymkentte ótedi. Bul forým – jańa ıdeıalardyń, jańa múmkindikterdiń, jańa bastaýy, el damýynyń, óńir yntymaqtastyǵynyń jáne tehnologııalyq jańǵyrýdyń taǵy bir jarqyn beti bolmaq, - dep jazdy ÓKQ.

Aıta keteıik, EAEO júk tasymalyn qadaǵalaý júıesin engizedi.