EAEO-da taǵy bir organ qurylady
EAEO kollegııasynyń múshesi, ekonomıka jáne qarjy saıasaty jónindegi mınıstr Tımýr Jaqsylyqovtyń aıtýynsha, atalǵan másele birneshe jyl boıy talqylanǵan bolatyn.
«Qazirgi kezde úkimetaralyq keńesti qurý týraly sheshimniń jobasy ázirlendi. Eýrazııalyq ekonomıkalyq odaqtyń kollegııasy da, keńesi de atalǵan sheshimdi maquldady. Eger úkimet basshylary qoldaý bildirse, onda aǵymdaǵy jyly 1 qazanǵa deıin ol sheshimdi iske asyrý jospary daıyndalady. Komıssııanyń barlyq sheshimderi bıznes ortaǵa qalaı áser etip jatyr? Osy jumystyń tıimdiligi qandaı? Bunyń barlyǵy zerdelenip, naqty baǵa beriledi», - dedi T.Jaqsylyqov Astanada ótken kezdesýde.
Osy oraıda T.Jaqsylyqov «Atameken» palatasynan komıssııanyń naqty qaı sheshimderine baǵalaý júrgizý kerektigin surap, usynystar men eskertýlerdi joldaýdy ótindi. Sebebi keıbir normatıvtik aktilerdiń bıznesti júrgizýge keri áser etip otyrǵany anyqtalyp otyr.
Aıta keteıik, búgin EAEO kollegııasynyń múshesi Tımýr Jaqsylyqov otandyq bıznesmendermen kezdesip, mańyzdy bir keńes berdi.
Foto: iran.negusexpo.ru
