Djekı Chan Almatyǵa keldi
ALMATY. KAZINFORM – Áleýmettik jelilerde álemge áıgili akter Djekı Channyń Almatyǵa kelgeni týraly aqparat tarady.
71 jastaǵy akterdiń kelgeni resmı rastalǵan joq. Alaıda jarııalanǵan beınejazbalar onyń Qazaqstanda ekenin meńzeıdi. Aldyn ala derekterge sáıkes, ol bir fılmniń túsirilimine qatysýy múmkin.
Buǵan deıin Qazaqstanda Djekı Chan men amerıkalyq prodıýserlerdiń qatysýymen birqatar halyqaralyq kınojobalar júzege asyrylyp jatqany habarlanǵan edi. Bul týraly Úkimet otyrysynda Salem Entertainment tsıfrlyq medıa kompanııasynyń bas dırektory Igor Tsaı aıtty.
– Bıyl Djekı Chan, amerıkalyq «Oskar» ıegeri prodıýserlermen birlesken prodıýserlik joba iske qosyldy, sondaı-aq jasandy ıntellekt tehnologııasyna negizdelgen kontent jasaý boıynsha Tımýr Bekmambetovpen biregeı joba qolǵa alyndy, – dedi ol.
Eske salaıyq, ótken apta áıgili Backstreet Boys Almatyǵa kelgenin jazǵanbyz.