Dýshanbede gaz qymbattady

ASTANA. QazAqparat - Sońǵy aptada Tájikstan astanasyndaǵy janarmaı quıý beketterindegi suıytylǵan gaz baǵasy 9%-ǵa, ıaǵnı lıtrine 3,5-ten 3,8 somonıge deıin qymbattady, dep habarlaıdy news.tj .

Jetkizýshiler muny atalǵan janarmaı túriniń Qazaqstandaǵy baǵasynyń qymbattaýymen baılanystyrady. Óıtkeni, Tájikstan atalǵan otynnyń jalpy kóleminiń 70 paıyzyn Qazaqstannan ımporttaıdy.

Jetkizýshiler bıylǵy jyldyń 1 shildesinen bastap, Qazaqstandaǵy suıytylǵan gazdyń kóterme baǵasy 82-den 101 dollarǵa deıin, 22%-ǵa artqandyǵyn habarlady.

«Osyǵan sáıkes, Tájikstannyń janarmaı quıý beketterindegi suıytylǵan gazdyń bólshek saýda baǵasy qymbattady», - deıdi olar.

Atalǵan gaz túrin Tájikstanǵa jetkizýmen 66 kompanııa aınalysady.

Byltyrǵy jyly respýblıkaǵa 350 myń tonna kólemindegi suıytylǵan gaz jetkizilgen, bul 2015 jylǵy kórsetkishpen salystyrǵanda 10 myń tonnaǵa artyq. Otynnyń bul túriniń 70 paıyzdan astamy Qazaqstannan ımporttalǵan. Sonymen qatar, az kólemdi suıyltylǵan gaz Reseı, Túrikmenstan jáne Qyrǵyzstannan jetkizilgen.