Dýbaıdaǵy AQSh konsýldyǵy mańynan órt shyqty

ASTANA. KAZINFORM — Dýbaıdaǵy AQSh konsýldyǵy mańynda tutanǵan órt aýyzdyqtaldy, zardap shekkender joq, dep habarlaıdy Report.

Bul týraly eń aldymen Dýbaı úkimetiniń baspasóz qyzmeti X basylymynda jarııalanǵan. 

Málimdemege sáıkes, órt dıplomatııalyq ókildik mańyndaǵy ushqyshsyz ushaqtyń soqqysynan shyqqan.

— Órt sátti aýyzdyqtaldy. Zardap shekkender joq, — delingen habarlamada.

Eske salaıyq, 1 naýryz kúni Birikken Arab Ámirlikteriniń Djebel-Alı portyndaǵy aılaqtardyń birine qulaǵan zymyrannyń qaldyqtarynan órt shyqty. Zardap shekkender joq. Sol kúni Dýbaı áýejaıyna da shabýyl jasaldy.