Dýbaıda qazaqstandyq startaptyń keńsesi ashylmaq
«INUI startapy - kompıýterlik oıyndardyń ádil ótýin qadaǵalaıtyn qural. ıAǵnı bul startaptyń kómegi arqyly geımerlerdiń ádiletti oınaýyn baqylaýǵa bolady. Mysaly, sportta «dopıng» degen túsinik bar, osy oraıda INUI startapyn kıbersporttaǵy dopıngpen kúresýdiń oń sheshimi desek bolady. Startap 2 jyl boıy júzege asyp keledi jáne ol halyqaralyq deńgeıde moıyndalyp úlgerdi. Oǵan dálel - joba búginde kıbersport keńinen damyǵan Ońtústik Koreıa jáne Shyǵys Eýropa elderinde usynylǵan», - dedi Marat Sháken.
Atalǵan IT joba Astana Hub startaptar tehnoparkiniń tolyqtaı bir qabatynda ornalasqan.
«Qazirgi ýaqytta INUI startapynyń Dýbaı qalasynda keńsesin ashý máselesi qaralyp jatyr. Sebebi búginde Dýbaı - álemdegi kıbersport joǵary qarqynmen damyp kele jatqan qalalardyń biri. Uıymdastyrýshylardyń aıtýynsha, jańa keńse aldaǵy shilde aıynda ashylmaq. Odan bólek, biz óz tarapymyzdan IT salasynda tyń ıdeıasy bar startapshylarǵa tegin alań men qajetti jabdyqtardy usyna alamyz. Jáne ıdeıa avtorlaryn ınvestorlarmen tikeleı baılanys ornatýyna múmkindik jasaımyz. ıAǵnı, óz ıdeıasyn iske asyramyn degen adamǵa jol ashyq. Bizde ınvestorlar kúni degen arnaıy shara bar, onda úzdik degen startap jobalardy qoldaý kórsetýge daıyn ınvestorlardyń nazaryna usynamyz. Sol arqyly joba qarjylandyrylady», - deıdi ol.
Onyń aıtýynsha, elordadaǵy startaptar tehnoparki 502 halyqaralyq IT kompanııamen ózara tyǵyz baılanysta jumys isteıdi.
