Dýbaıda álemdegi eń bıik qonaqúı alǵashqy meımandaryn qabyldady

ASTANA. KAZINFORM — Emırattyq The National basylymynyń habarlaýynsha, Dýbaıda álemdegi eń bıik qonaqúı — Ciel Dubai Marina ashyldy, dep jazdy Belta agenttigi.

Qonaqúıdiń bıiktigi 377 metr, bul basqa dýbaılyq qonaqúı — Gevora Hotel bıiktiginen 21 metrge joǵary. The National málimetine sáıkes, álemdegi eń bıik on qonaqúıdiń segizi Dýbaıda ornalasqan, sonyń ishinde áıgili parýs pishindi «Býrdj el-Arab» qonaqúıi de bar, onyń shpılimen bıiktigi 321 metr bolsa kerek.

Buǵan deıin reseılik áıel Dýbaıdan týǵan eline Van Cleef & Arpels brendiniń zergerlik buıymdarymen oralǵanda, ony keden qyzmetkerleri toqtatqant bolatyn. Ony tipti túrmege jaba jazdady. Ol bilezik pen aq metaldan jasalǵan, brıllıantpen árlengen saqına jáne qymbat alqa taǵyp kelgen bolatyn. Buıymdardyń jalpy quny 11,7 mıllıon rýblge baǵalanǵan.

Qazan aıynda The World's 50 Best Hotels syılyǵynyń qazylar alqasy 2025 jyly álemniń eń úzdik 50 qonaqúıin ataǵan. Topta kóshbasshy bolyp Gonkongtaǵy Rosewood qonaqúıi tanyldy.

Aıta keteıik, Dýbaıda jasandy ıntellektimen basqarylatyn relssiz tramvaı tanystyryldy.