Dýbaı – Astana reısi belgisiz sebeptermen keshigip jatyr
ASTANA. KAZINFORM – Air Astana áýe kompanııasynyń Dýbaı – Astana baǵyty boıynsha ushatyn №206 reısi belgisiz sebeppen áýejaıda qańtarylyp, usha almaı tur.
Jolaýshylardyń aıtýynsha, reıstiń keshigýine qaramastan, olar ushaqqa otyrǵyzylǵan. Alaıda ushaq ýaqytynda ushpaǵan: jolaýshylar shamamen bir jarym saǵat boıy bortta qamalyp, joǵary temperatýrada otyrýǵa májbúr bolǵan.
Nátıjesinde jolaýshylardyń biri ózin jaısyz sezingen. Osy jaǵdaıǵa baılanysty ekıpaj barlyq jolaýshylardy Dýbaı áýejaıynyń ǵımaratyna qaıta shyǵarýǵa sheshim qabyldaǵan.
Qazirgi tańda jolaýshylarǵa ári qaraı ne bolatyny týraly naqty aqparat berilgen joq.
Air Astana kompanııasy bul jaǵdaıǵa baılanysty ázirge resmı túsinikteme bergen joq.
Reıs jergilikti ýaqytpen 02:00-ge qaldyrylǵany belgili boldy. Jolaýshylar qaıtadan qonaq úıge jetkizildi.
Eske sala keteıik, buǵan deıin Taıaý Shyǵysta atystyń toqtatylýyna baılanysty Air Astana áýe kompanııasy Irannyń áýe keńistigin aınalyp ótip, osy óńirge ushýdy qaıta bastaıtynyn jazǵan edik.