Donald Tramp pen Ilon Mask áleýmettik jelini qalaı paıdalanýda
ASTANA. KAZINFORM - Donald Tramptyń «Truth Social» jáne Ilon Masktyń «X» áleýmettik platformalary (burynǵy Twitter), oqıǵalarǵa balamaly kózqaras usynatyn jańa, shynaıy aqparat alańyn quryp jatyr. Atalǵan máselege Kazinform-nyń menshikti tilshisi sholý jasady.
Tramp jaqtastarynyń ıdeologııalyq ortalyǵy
2021 jyly Tramptyń Twitter, Instagram jáne Facebook-te ýaqytsha buǵattalýyna, Truth Social platformasy jaýap retinde paıda boldy. Sol ýaqyttan beri kóp nárse ózgerdi: 2022 jyldyń, qazan aıynda Ilon Mask «Twitter mıkroblog» qyzmetin satyp alyp, onyń atyn «X» dep ózgertti. Odan qosa, «Facebook» jelisi «Meta» dep ózgertildi. Qortyndysynda, Tramptyń Twitter, Instagram jáne Facebook akkaýnttaryna kirý, 2022 jáne 2023 jyldary qalpyna keltirildi. Alaıda, balama platformalar ıdeıasy qazirdiń ózinde keńinen taralǵan.
Tramptyń jaqtastary úshin dástúrli amerıkalyq medıadan ózge balama izdegen platformaǵa aınalǵan Truth Social áleýmettik jelisi onyń saılaýaldy kampanııasynyń arqasynda keń tanymaldylyqqa ıe boldy. Platformanyń tanymaldyǵy artqan saıyn onyń naryqtyq quny da edáýir ósti. Qazan aıynda Truth Social jelisine ıelik etetin Trump Media & Technology Group kompanııasynyń quny 10 mıllıard dollardan asty, al qyrkúıek aıynyń sońynan bastap onyń aktsııalary tórt ese qymbattady.
Saılaý naýqany TruthSocial-ty tanymal etti. Bul áleýmettik jeli negizinen AQSh-tyń 47-shi saılanǵan prezıdentin synaıtyn, dástúrli amerıkalyq BAQ-qa balama izdeıtin, Tramp jaqtastarynyń alańyna aınaldy.
Platforma tanymal bolýy, onyń naryqtyq qunyna aıtarlyqtaı áser etti. Qazan aıynda Truth Social kompanııasyna ıelik etetin «Trump Media & Technology Group» kompanııasynyń quny $10 mlrd assa, qyrkúıek aıynyń sońynan bastap kompanııa aktsııalary tórt esege qymbattady.
Truth Social paıdalanýshylarǵa saıası astary bar tsenzýradan alshaq, erkin taqyryptarda pikir almasý múmkindigin usynady, dep málimdeıdi onyń jasaýshylary. Degenmen, platformanyń shekteýli tehnıkalyq múmkindikteri men tar aýdıtorııasy Meta nemese TikTok sııaqty tehnologııalyq alyptarmen básekelesýge áleýetiniń jetkiliksiz ekenin kórsetedi.
Bul platforma, qoldanýshylar sany týraly naqty málimetterdi jarııalamasa da, 2024 jyldyń aqpan aıyndaǵy sarapshylardyń baǵalaýy boıynsha, áleýmettik jeliniń aı saıynǵy belsendi qoldanýshylary shamamen 5 mıllıon adamdy qurady. Salystyra ketsek, básekeles áleýmettik jeliler TikTok pen Facebook-tiń aı saıynǵy aýdıtorııasy sáıkesinshe 1 mıllıard jáne 3 mıllıard qoldanýshyǵa jetedi.
Truth Social platformasynda 8 mıllıonnan astam jazylýshysy bolǵanymen, Tramp TikTok, Instagram jáne X sııaqty áleýmettik jelilerde anaǵurlym keń aýdıtorııamen baılanysady. Bul jelilerde onyń jazylýshylar sany sáıkesinshe 14,4 mıllıon, 29 mıllıon jáne 94 mıllıon adamǵa jetedi.
