Dollar baǵamy úshinshi kún qatarynan tómendedi

ASTANA. QazAqparat - Qazaqstan qor bırjasynda (KASE) juma kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 369,63 teńgeni qurady, dep habarlaıdy QazAqparat KASE-ge silteme jasap.

Beısenbi kúngi saýda-sattyqpen salystyrǵanda, shetel valıýtasynyń baǵamy 2,18 teńgege tómendegen. Sessııa barysynda eń tómengi kýrs 1 dollarǵa - 369,22 teńge, al eń joǵarysy 370,1 teńge bolǵan. Saýda kólemi 35,9 mln dollardy qurady.

Beısenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 371,81 teńgeni, kúndizgi sessııada 370,96 teńgeni, eki sessııanyń qorytyndysy boıynsha 371,28 teńgeni quraǵan. Saýdanyń jalpy kólemi 153,65 mln dollar boldy.

Eske sala keteıik, sársenbi kúngi saýda-sattyqtyń tańerteńgilik sessııasynda AQSh dollarynyń ortasha baǵamy 0,35 teńgege - 373,23 teńgeden 372,88 teńgege, beısenbi kúni 1,07 teńgege - 371,81 teńgege deıin tómendegen bolatyn.