Dollar baǵamy úsh kún qatarynan tómendedi

ASTANA. QazAqparat - Qazaqstan qor bırjasynda (KASE) sársenbi kúngi saýda-sattyqtyń tańerteńgilik sessııasynda teńgeniń AQSh dollaryna shaqqandaǵy ortasha baǵamy 1 dollarǵa 379,12 teńge boldy, dep habarlaıdy QazAqparat KASE-ge silteme jasap.

Seısenbi kúngi saýda-sattyqpen salystyrǵanda, shetel valıýtasynyń baǵamy 0,36 teńgege tómendegen. Sessııa barysynda eń tómengi kýrs 1 dollarǵa - 379 teńge, al eń joǵarysy - 379,3 teńge bolǵan. Saýda kólemi 39,45 mln dollarǵa jetti.

Seısenbi kúni dollardyń T+1 esebimen ortasha baǵamy tańǵy sessııa qorytyndysy boıynsha, 1 dollarǵa 379,48 teńgeni, kúndizgi sessııada 379,7 teńgeni, eki sessııanyń qorytyndysy boıynsha 379,66 teńgeni quraǵan bolatyn. Saýdanyń jalpy kólemi - 124,28 mln dollar.

Eske salaıyq, dollar baǵamy dúısenbi kúni 0,4 teńgege - 380,36 teńgeden 379,96 teńgege deıin, seısenbi kúni 0,48 teńgege - 379,48 teńgege deıin tómendegen edi.