Dımash GGG-di jeńisimen quttyqtady

NUR-SULTAN. QazAqparat – Qazaqstandyq ánshi Dımash Qudaıbergen otandasy Gennadıı Golovkındi kezekti jeńisimen quttyqtady, dep habarlaıdy QazAqparat.

«Baýyrym, kezekti tańǵalarlyq jeńisińmen quttyqtaımyn! Basqasha bolýy da múmkin emes edi», - dep jazdy ánshi Instagram-daǵy paraqshasynda.

Esterińizge sal ketsek, keshe Nıý-Iorktegi Madison Square Garden arenasynda qazaqstandyq kásipqoı boksshy Gennadıı Golovkın (39-1-1, 35 KO) ýkraınalyq Sergeı Derevıanchenkomen (13-1, 10 KO) jekpe-jek ótkizdi. Tóreshilerdiń sheshimimen jeńis tuǵyrynan kóringen otandasymyz orta salmaq sanatynda IBF jáne IBO tujyrymdary boıynsha álem chempıony atandy.

Gennadıı Golovkındi Elbasy Nursultan Nazarbaev, Memleket basshysy Qasym-Jomart Toqaev jeńisimen quttyqtaǵan edi.