Digital Almaty Awards 2024 forýmynyń jeńimpazdary marapattaldy
ALMATY. KAZINFORM – «Digital Almaty-2024» halyqaralyq forýmy aıasynda tsıfrlandyrý salasynda úzdik jetistikterge jetken joba ıeleri marapattaldy.
Jeńimpazdardy marapattaý rásimi EAEO-ǵa qatysýshy elderdiń úkimet basshylarynyń plenarlyq otyrysy aıasynda ótti.
Marapat munaı, taý-ken ónerkásibi, ónerkásiptik ınnovatsııalar, saladaǵy áıelder kóshbasshylyǵy, IT kóshbasshylyǵy, ekologııalyq, áleýmettik jáne basqarý jaýapkershiligi (ESG) jáne blokcheın tehnologııasyn qamtıtyn negizgi jeti nomınatsııa boıynsha berildi.
Nomınatsııalar boıynsha jeńimpazdar:
Blockchain Innovation Award - Blockchain Center, Aıdana Qasqyrbek, CEO & Founder;
Mining Site Digitalization Award – «Shubarkól Premıým» AQ, bas dırektory Farıt Azızov;
Innovative Industrial Solution Award – «AG TECH» JShS bas dırektory Aleksandr Podvalov;
Oil Field Digitalizat – «KAZPETROL GROUP» JShS ken oryndarynyń dırektory Dastan Soltybekov;
ESG Innovation in Industry Award – «FACEPLATE» JShS prezıdenti Erjan Janzaqov;
Industrial CIO Excellence Award – «Baqyrshyq taý-ken óndirý kásiporny» JShS tehnıkalyq dırektordyń tsıfrlyq tehnologııalar jáne avtomatty basqarý júıeleri jónindegi orynbasary Vladıslav Cherepanov;
Female Industrial Leadership Award – «AltynEx Company» AQ Basqarma tóraǵasy ıÝlııa Alımova;
Forýmdy uıymdastyrýshylardyń aıtýynsha, Digital Almaty Awards syılyǵy Digital Almaty halyqaraly tsıfrlyq forýmy aıasynda jyl saıyn, dástúrli túrde beriletin marapatqa aınaldy.
Syılyq alǵash ret 2020 jyly «Digital Almaty: jahandyq ekonomıkanyń tsıfrlyq bolashaǵy» forýmynda tabys etildi.
