Desantshy kólik urylaryn ustaýǵa kómektesti
Oqıǵa bolǵan kúni desanttyq-shabýyldaý áskerine qarasty 12881 bóliminiń qatardaǵy sarbazy Shahzat Ǵapparov úıine kesh oralǵan bolatyn. Ol qas qaraıǵanda úı aýlasyndaǵy avtoturaqty torýyldap júrgen 4 kúdikti jigitti baıqaıdy.
Urlyq arqyly jeńil tabysty kózdegender kóliktiń aınasyn, dóńgelegin sheship júrgen. Antıradardy alý úshin kóliktiń terezesin de syndyrǵan eken.
Sh.Ǵapparov aldymen kúdiktilerdi syrtynan baqylaıdy. Olardyń qylmys jasamaq bolǵanyna tolyq kózi jetken soń, ol tártip saqshylaryn shaqyrady. Sanaýly ýaqytta jetken polıtseıler kúdiktilerdi M.Áýezov aýdandyq polıtsııa basqarmasyna jetkizdi.
Sh.Ǵapparov qyzmet etetin 12881 áskerı bóliminiń komandıri, podpolkovnık Rýslan Ótepovtyń atyna alǵys hat jiberildi. Onda qyraǵy sarbazdy daıarlap, jeke qurammen jaqsy jumys istegen bólim atyna alǵys bildirilgen.
