Denıs Evseev Ispanııadaǵy týrnırde kezekti jeńisine qol jetkizdi
ORAL. KAZINFORM – Qazaqstandyq, álemniń 184-raketkasy Denıs Evseev Tenerıfe (Ispanııa) chellendjer týrnırinde kezekti jeńisine qol jetkizdi.
Іrikteý saıystarynda eki qarsylasyn utqan D.Evseev negizgi jarystyń alǵashqy aınalymynda dúnıejúzilik reıtıngide 250-orynda turǵan shveıtsarııalyq Leandro Rıdımen kortqa shyqty.
Birinshi partııa 6:4 esebimen qazaqstandyqtyń paıdasyna aıaqtaldy.
Ekinshi sette de ol esepti 4:1-ge jetkizdi. Budan keıin shveıtsarııalyq sportshy básekeni jalǵastyrýdan bas tartty.
Bir saǵatqa sozylǵan match barysynda Denıs 2 eıs jasap, 4 breık-poınttyń úsheýin paıdalanyp úlgerdi.
Denıs Evseev shırek fınalǵa shyǵý úshin álemniń 103, osy dodanyń 1-raketkasy, ataqty ıtalııalyq Fabıo Fonınımen talasady.
Eske sala keteıik, budan buryn Elena Rybakınanyń «Úlken dýlyǵa» týrnırin jeńispen bastaǵanyn jazǵan bolatynbyz.
