Dáýlet Tlemısov Túrkistan oblysy prokýrorynyń orynbasary boldy
TÚRKІSTAN. KAZINFORM — Buǵan deıin ol Saıram aýdanynyń prokýrory qyzmetin atqarǵan.
Daýlet Seıitjanuly Tlemısov 1982 jyly 27 qyrkúıekte Túrkistan oblysynyń Túlkibas aýdanynda dúnıege kelgen. Qazaq gýmanıtarlyq zań ýnıversıtetin aıaqtaǵan. Ádilet keńesshisi synyptyq shenine ıe.
Quqyq qorǵaý organdaryndaǵy qyzmetin 2005 jyly Saıram aýdany prokýrorynyń kómekshisi bolyp bastaǵan. 2010 jyldan bastap Ońtústik Qazaqstan oblysy prokýratýrasynyń qurylymynda túrli qyzmetterdi atqardy — bólim prokýrory, basqarma prokýrory, sondaı-aq oblys prokýrorynyń kómekshisi laýazymdarynda eńbek etti.
2016–2020 jyldar aralyǵynda Saryaǵash aýdany prokýrorynyń orynbasary, Shymkent qalasy Abaı aýdany prokýrorynyń orynbasary, sondaı-aq Tólebı aýdanynyń prokýrory laýazymdaryn atqardy.
2021 jyldyń qańtarynan bastap osy kúnge deıin Saıram aýdanynyń prokýrory laýazymyn atqaryp keldi.
Aıta keteıik, budan buryn Qyzylorda oblysy ákiminiń orynbasary taǵaıyndalǵanyn jazǵan bolatynbyz.