Dastan Sátpaev «Daryn» memlekettik jastar syılyǵyn aldy

ASTANA. KAZINFORM — Almatyda QR Premer-mınıstriniń orynbasary — Mádenıet jáne aqparat mınıstri Aıda Balaeva «Qaırat» fýtbol klýbynyń shabýylshysy Dastan Sátpaevqa «Daryn» memlekettik jastar syılyǵyn tabystady, dep habarlaıdy mınıstrliktiń baspasóz qyzmeti.

Tanymal qazaqstandyq sportshy 2025 jylǵy syılyqtyń «Sport» nomınatsııasy boıynsha laýreaty atandy.

Matchtarǵa qatysýyna baılanysty Dastan Sátpaev 2025 jylǵy 26 qarashada ótken «Daryn» syılyǵyn tapsyrý rásimine qatysa almaǵan bolatyn.

— Siz búgin joǵary nátıje kórsetip qana qoımaı, óskeleń urpaqqa úlgi bolyp júrsiz. Balalardy sportqa, fýtbolǵa baýlyp, salaýatty ómir saltyn nasıhattaýda eńbegińiz zor. Prezıdentimiz aıtqandaı, kez kelgen eńbek qadirli ári el ıgiligine qyzmet etedi. Sport — salaýatty ómirdiń negizi, ol adamdy bıik belesterge jetelep, el abyroıyn asqaqtatady. Jetistikterińiz jastarǵa úlgi bolyp, bul marapat sizdi jańa belesterge jeteleı bersin, — dedi Aıda Balaeva.

Aıta keteıik, «Daryn» memlekettik jastar syılyǵy ǵylym, shyǵarmashylyq, qoǵamdyq qyzmet jáne sporttaǵy joǵary jetistikteri úshin talantty jastarǵa tabystalady.

Osydan buryn Dastan Sátpaev 17 jastaǵy oıynshylar arasynda álemdik TOP-5 tizimine engenin jazǵanbyz.