Úndistandaǵy qaqtyǵysta qaza tapqandar sany 40-qa jýyqtady

ASTANA. KAZINFORM — Úndistannyń ońtústigindegi sherý kezinde bolǵan qaqtyǵysta qaza tapqandardyń sany 38-ge jetti. Qurbandardyń deni áıelder men balalar. Bul týraly Sınhýa agenttigi jazdy.

Qaıǵyly oqıǵa Tamılnad shtatynda ótken mıtıngi kezinde boldy. Ony kınoakter Vıdjaı óziniń saıası uıymy Tamılaga Vettrı Kajagamdy qoldaý úshin uıymdastyrǵan.

Shtattyń basshysy, ​​​​Dravıda Mýnetra Kajagam partııasynyń aǵa saıası jetekshisi V.Sentıl Baladjı jaralanǵandardyń 46-sy jekemenshik aýrýhanaǵa jatqyzylǵanyn, al 12-si memlekettik aýrýhanada emdelip jatqanyn aıtty.

Úndistannyń premer-mınıstri Narendra Modı áleýmettik jelidegi X platformasyndaǵy jazbasynda qaıtys bolǵandardyń jaqyndaryna kóńil aıtyp, oqıǵany «aýyr qaıǵy» dep atady.

— Meniń oıym jaqyndarynan aıyrylǵan otbasylarda. Osy qıyn kezeńde olarǵa kúsh-qýat, jaraqat alǵandardyń barlyǵynyń tezirek saýyǵyp ketýin tileımin, — dep jazdy N.Modı.

Eske salaıyq, buǵan deıin Mılanda Palestınany qoldaý sherýi qaqtyǵysqa ulasyp, 60 polıtseı jaralanǵan bolatyn.