22:54, 28 Shilde 2025 | GMT +5
Bizdi tek týystyq, yntymaqtastyq baılanystyrady – Toqaev
ANKARA. KAZINFORM – Áýejaıda eki el prezıdentteri az-kem áńgimelesti. Bul týraly Aqordanyń baspasóz qyzmeti habarlady.
– Qonaqjaılyq tanytqanyńyzǵa kóp raqmet. Áýejaıǵa kelip, meni qarsy aldyńyz. Bul men úshin úlken qurmet. Bizdiń aramyzda eshqandaı túıtkil joq. Bizdi tek týystyq, yntymaqtastyq baılanystyrady. Erteń mańyzdy sapar bolady. Sapardyń baǵdarlamasy óte mazmundy. Ony tolyq iske asyramyz dep oılaımyn, - dedi Qasym-Jomart Toqaev.
Erteń, ıaǵnı 29 shilde kúni memleketter basshylary qazaq-túrik strategııalyq seriktestigin odan ári nyǵaıtý perspektıvasyn talqylap, kelissóz júrgizedi.
Buǵan deıin Memleket basshysynyń Túrkııaǵa resmı saparmen barǵanyn habarlaǵan bolatynbyz.