Bıýdjet kodeksi túzetýlermen Parlamenttiń qaraýyna engiziledi
«Biz Bıýdjet kodeksine arnaıy túzetýler jobasyn ázirledik jáne ol jaqyn arada Parlamenttiń qaraýyna engiziledi. Qazirgi jaǵdaıǵa toqtalsaq, bizde Bıýdjet kodeksi boıynsha aldymen lımıtter aıqyndalyp, sodan keıin kelesi kezeńde memorgandardyń strategııalyq josparlary bekitiledi. Biz osy tájirıbeni aýystyrǵymyz keledi, bastapqyda basymdyqtardy, qol jetkiziletin sońǵy nátıjeler kórsetkishterin aıqyndap, osynyń aıasynda qajetti qarjy bólinedi», - dedi Á. Smaıylov.
Onyń sózine qaraǵanda, bıýdjet ótinimin engizýmen qatar, ákimshiler qarjyny ıgerýden qandaı nátıje bolatynyn kórsetýi tıis.
Sonymen qatar, túzetýlerde qazynashylyqta memlekettik baǵdarlamalar operatorlary úshin arnaıy shottardy ashý múmkindigin engizý usynyldy. Osy oraıda memlekettik qoldaý alýshylarǵa sýbsıdııalar tikeleı qazynashylyq shottarynan baǵyttalady.
Budan buryn habarlanǵandaı, Májilistiń jalpy otyrysynda Qarjy mınıstri Erulan Jamaýbaev Qazaqstannyń boryshy qaýipsiz deńgeıde kenin atap ótti. Sonymen qatar ol kvazımemlekettik sýbektilerdiń shottaryndaǵy qaldyqtarǵa qatysty túsinik berdi.
