Qazaqstannyń avıatsııa ákimshiliginiń basshysy taǵaıyndaldy
ASTANA. KAZINFORM - 2026 jylǵy 4 mamyrdan bastap «Qazaqstannyń avıatsııalyq ákimshiligi» AQ-nyń Bas atqarýshy dırektory laýazymyna Maıkl Denıel taǵaıyndaldy, dep habarlaıdy QR Kólik mınıstrliginiń baspasóz qyzmeti.
Maıkl Denıel avıatsııa salasy boıynsha profıldik bilimge ıe, AQSh-taǵy Embrı-Rıddl aeroǵarysh ýnıversıtetin «Aeronavtıka» mamandyǵy boıynsha támamdaǵan jáne azamattyq avıatsııa salasynda 40 jyldan astam tájirıbesi bar.
Kásibı qyzmetin AQSh-tyń Azamattyq avıatsııa jónindegi federaldyq basqarmasynda (FAA) bastaǵan. Bul mekemede ushý paıdalaný ınspektory, áýe kemelerin sertıfıkattaý jónindegi maman, ushý qaýipsizdigi qyzmetiniń basshysy, sondaı-aq halyqaralyq baǵdarlamalar men saıasat jónindegi aǵa menedjer sııaqty birqatar mańyzdy laýazymdardy atqarǵan.
FAA-nyń Frankfýrt, Nıý-Iork jáne Vashıngton qalalaryndaǵy halyqaralyq keńselerinde jumys tájirıbesi bar. 2006–2009 jyldary Sıngapýr men Beıjińdegi FAA halyqaralyq keńselerin basqarǵan, onda sheteldik jóndeý uıymdaryna qadaǵalaý júrgizip, halyqaralyq qaýipsizdik baǵalaýlaryn júzege asyrǵan.
Ár jyldary halyqaralyq bastamalardy, onyń ishinde APEC-tiń kólik qaýipsizdigi jáne áýe qatynasy jónindegi jumys tobyn basqarǵan, halyqaralyq qadaǵalaý jáne qaýipsizdikti baǵalaý máselelerine jetekshilik etken, sondaı-aq birqatar basshylyq laýazymdardy atqaryp, birneshe jyl boıy Halyqaralyq azamattyq avıatsııa uıymymen (IKAO) jumys jasaǵan.
Azamattyq avıatsııadaǵy ushý qaýipsizdigin qamtamasyz etý, áýe kompanııalaryn sertıfıkattaý jáne memlekettik qadaǵalaý júıelerin damytý salasynda aýqymdy halyqaralyq tájirıbege ıe.
Jańa basshynyń negizgi mindetteriniń biri – Qazaqstannan AQSh-qa tikeleı reısterin ashý bolady.
Osyǵan deıin Qazaqstan ókiliniń BUU-nyń resýrstardy basqarý bıýrosyna vıtse-tóraǵa bolyp taǵaıyndalǵan týraly jazdyq.
