Burynǵy Ádilet mınıstri Marat Beketaevtyń isi sotqa tústi

ASTANA. KAZINFORM – Eks-sheneýnikke qatysty is boıynsha tergeý amaldary aıaqtaldy. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.

- Agenttik burynǵy Ádilet mınıstri Marat Beketaev jáne basqa tulǵalarǵa qatysty alaıaqtyq, asa iri mólsherde urlaý jáne kásipkerlik qyzmetke zańsyz qatysý isi boıynsha sotqa deıingi tergeý amaldaryn aıaqtady. Bıyl 3 naýryzda qylmystyq is sotqa jiberildi, - dedi Danııar Bıgaıdarov vedomstvoda ótken baspasóz máslıhatynda.

Aıta ketsek, burynǵy mınıstr Marat Beketaev 1,5 jyldaı qamaýda otyrdy. 

Eske sala keteıik, burynǵy Ádilet mınıstri Marat Beketaev 2023 jyly qazanda laýazymdyq ókilettigin asyra paıdalandy degen kúdikpen ustaldy. 

Antıkordyń málimetinshe, ol talap etilmeıtin qyzmetterdi kórsetýge jyl saıynǵy kelisimsharttar jasaý arqyly úlestes kompanııanyń múddesin qoldaǵan.

Eks-sheneýnikti qamaýda ustaý merzimi birneshe ret uzartyldy. Sońǵy ret bıyl 21 mamyrda 2024 jylǵy 21 maýsymǵa deıin qamaý sanktsııalandy. 

Byltyr shildede Sybaılas jemqorlyqqa qarsy is-qımyl agenttigi burynǵy Ádilet mınıstri Marat Beketaevqa qatysty tergeý amaldarynyń aıaqtalǵanyn habarlady. 

Sondaı-aq ótken jyly qazanda eks-mınıstrge qatysty tergeý aıaqtalyp, Antıkor materıaldarmen tanysyp jatqany týraly habarlaǵan edik.