Býrabaıda taýdan túse almaǵan zeınetker qutqaryldy

KÓKShETAÝ. KAZINFORM - Býrabaıda taýǵa shyǵyp, ózdiginen túse almaǵan zeınetkerge qutqarýshylar kómekke keldi.

Aqmola oblysy TJD baspasóz qyzmetiniń málimetinshe, zeınetker áıel Soltústik Qazaqstan oblysynyń turǵyny, Býrabaıǵa demalýǵa kelgen. 

«Taýǵa shyqqan áıel aıaǵynyń jaraqatyna baılanysty ózdiginen túse almady. Qutqarýshylar ony zembildiń kómegimen tómen túsirip, jedel járdem brıgadasyna tapsyrdy», - dedi vedomstvodan.

Osy rette, Aqmola oblysynyń TJD qyzmetkerleri demalýshylardan taýdaǵy qaýipsizdik sharalaryn saqtaýdy suraıdy. Sonymen birge, tótenshe jaǵdaı týyndaǵan jaǵdaıda «112» nómirine qońyraý shalýdy eske salady.

Aıta ketsek, budan buryn da Býrabaıda taýdan túse almaǵan úsh týrıst qutqarylǵanyn jazǵan edik.