Býrabaıda qutqarýshylar zeınetkerdi taýdan túsirdi
KÓKShETAÝ. KAZINFORM – Býrabaı kýrortynda taýǵa shyqqan zeınetker ózdiginen tómen túse almaı qutqarýshylardyń kómegine júgindi.
Aqmola oblysy TJD baspasóz qyzmetiniń málimetinshe, 66 jastaǵy zeınetker áıel Krasnyı ıAr aýlynyń turǵyny. Býrabaıǵa demalýǵa barǵan.
“Búgin jedel-qutqarý jasaǵynyń qyzmetkerleri 1958 jylǵy áıeldi Býrabaı kýrortyndaǵy Kókshetaý taýynan túsirdi. Zeınetker 300 metr bıiktikte kóterilip, aıaǵyn jarqattap alǵan. Sol sebepti, ózdiginen tómen túse almaı qutqarýshylardyń kómegine júgindi. Qutqarýshylar zeınetkerdi zembilmen túsirip, jedel járdem brıgadasyna tapsyrdy”, - dedi vedomstvodan.
Osy rette, TJD qyzmetkerleri demalýshylardan taýdaǵy qaýipsizdik sharalaryn saqtaýdy jáne tótenshe jaǵdaı týyndaǵan jaǵdaıda «112» jedel jelisine qońyraý shalýdy suraıdy.
Aıta ketsek, budan buryn Býrabaıda taýdan túse almaǵan úsh týrıst qutqarylǵanyn jazǵan edik.
