Býrabaıda IV Ulttyq quryltaı bastaldy
ASTANA. KAZINFORM — Bul týraly QR Prezıdenti janyndaǵy Ulttyq quryltaıdyń resmı paraqshasynda habarlandy.
— Eki kúnge jalǵasatyn jıynda quryltaı músheleri el damýynyń baǵyt-baǵdaryn aıqyndaıtyn ózekti máselelerdi talqyǵa salady, — delingen habarlamada.
Іs-sharanyń birinshi kúninde ótetin sektsııalardyń taqyryptary:
- Azamattyq qoǵam
- Mádenıet. Óner. Rýhanııat
- Bilim jáne ǵylym
- Áleýmettik-ekonomıkalyq damý.
Eske salsaq, budan buryn Qasym-Jomart Toqaev Býrabaıda ótetin Ulttyq quryltaıdyń IV otyrysyna qatysatyny málim boldy.
Ulttyq quryltaı jandanǵaly eldegi áleýmettik-ekonomıkalyq máseleler sheshim taýyp keledi. Jyl ótken saıyn taqyryp aıasy keńidi, aıtylatyn salmaqty oı ulǵaıdy. Alqaly jıynda nazarda bolǵan kemshilikti túzetý zań sheńberinde bekip, qoǵamnyń oń baǵytqa bet alǵanyn baıqaımyz. Osy oraıda Kazinform tilshisi ótken quryltaılardyń nátıjesine kóz júgirtti.