Búgin jeti qalada aýa sapasy tómendeıdi

ASTANA. KAZINFORM — Sınoptıkter elimizdegi aýa sapasyna qatysty boljamyn jarııalady. 

— 2025 jylǵy 27 jeltoqsanda Aqtóbe, Astana, Qaraǵandy, Jezqazǵan, Balqash, Temirtaý qalasynda, túnde Atyraý qalasynda aýanyń lastanýynyń qolaısyz meteorologııalyq jaǵdaılary kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Qazaqstannyń 17 oblysynda aýa raıyna baılanysty eskertý jarııalandy.