Búgin úsh qalada aýa sapasy tómendeıdi

ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.  

— 2025 jylǵy 9 qyrkúıekte Oral, Atyraý, túnde Astana qalalarynda qolaısyz meteorologııalyq jaǵdaılar kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, «Qazgıdromet» 9-11 qyrkúıek aralyǵyndaǵy kún raıy boljamyn jarııalady.