Búgin Ulytaý oblysynda 2 gradýsqa deıin aıaz bolady

«Qazgıdromet» RMK el aýmaǵynda 26 sáýirde bolatyn qaýipti meteorologııalyq qubylystarǵa boljam jasady.

Sınoptıkterdiń málimetinshe, Qazaqstan aýmaǵynyń ońtústik, ońtústik-shyǵys, shyǵys bóligine áli de Ońtústik tsıklon áser etedi jáne atmosferalyq fronttardyń ótýimen naızaǵaı oınap, jańbyr jaýady.

«Eldiń shyǵysynda túnde qar, kúndiz jaýyn-shashyn (jańbyr, qar), eldiń ońtústik-shyǵysyndaǵy taýly aımaqtarda jaýyn-shashyn (jańbyr, qar), ońtústikte, ońtústik-shyǵysta qatty jańbyr, burshaq túsedi, taýly aımaqtarda qatty jaýyn-shashyn (jańbyr, qar) jaýady. Respýblıka boıynsha jel kúsheıedi, ońtústikte, ońtústik-shyǵysta qatty jel soǵady. Eldiń batysynda, soltústiginde ǵana jaýyn-shashynsyz aýa raıy saqtalady», — dep jazdy vedomstvodan.

Ulytaý oblysynyń shyǵysynda túnde 2 gradýs aıaz kútiledi.

Mańǵystaý oblysynyń basym bóliginde, ortalyǵynda, shyǵysynda, batysynda órt qaýpi joǵary bolýy múmkin.