Búgin tórt qalada aýa sapasy nasharlaıdy
ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.
— 29 mamyrda Aqtóbe, Almaty qalalarynda, túnde Qostanaı men Astanada aýanyń lastanýynyń qolaısyz meteorologııalyq jaǵdaılary kútiledi, - delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Qazgıdromettiń málimetinshe 29 mamyrda elimizdiń birqatar óńirinde qolaısyz aýa raıy boljanyp otyr.
Sınoptıkterdiń boljamy boıynsha, keıbir óńirlerde, kún raıy buzylyp, túnde úsik júredi, keı óńirde joǵary jáne tótenshe órt qaýpi bar.