Búgin onnan astam qalanyń aýasy lastanady

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 1 naýryzda Kókshetaý, Pavlodar, Qaraǵandy, Jezqazǵan, Balqash, Temirtaý, Óskemen, Semeı, Rıdder, Atyraý, Aqtóbe qalalarynda, túnde Astana jáne Petropavl qalalarynda aýanyń lastanýynyń qolaısyz meteorologııalyq jaǵdaıy kútiledi, -delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Buǵan deıin naýryz aıynda kún raıy qandaı bolatyny týraly jazdyq.