Búgin qaı qalada aýa sapasy nasharlaıdy

ASTANA. KAZINFORM – 22 shildede Qazaqstannyń birneshe qalasynda jaısyz metorologııalyq jaǵdaı qalyptasyp, aýa lastanady, dep habarlaıdy Kazinform «Qazgıdromet» RMK-ǵa silteme jasap.

Sınoptıkterdiń boljamynsha, Aqtóbe, Almaty qalalarynda, túnde Qostanaı men Astanada qolaısyz meteorologııalyq jaǵdaı kútiledi. 

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Eske sala keteıik, buǵan deıin «Qazgıdromet» RMK sınoptıkteri respýblıka boıynsha 22, 23 jáne 24 shildege arnalǵan aýa raıy boljamyn jarııalady.