Búgin Eýropa lıgasynyń jartylaı fınal oıyndary ótedi

ASTANA. KAZINFORM — Búgin, 1 mamyrda fýtboldan UEFA Eýropa lıgasy jartylaı fınalyndaǵy alǵashqy oıyndar ótkiziledi.

Jarystyń atalǵan satysyndaǵy kezdesýdiń birinde «Atletık Bılbao» (Ispanııa) men «Manchester ıÝnaıted» (Anglııa) sheberlik baıqasady. 

Eki komanda buǵan deıin tórt márte oınady. Onyń ekeýinde anglııalyq klýb basymdyq tanytsa, bireýinde teń nátıje tirkeldi. 

Alǵan jaraqatyna baılanysty jartylaı qorǵaýshylar «Atletık Bılbao» sapynan Oıan Sanset, Ýnaı Gomes búgingi oıynnan tys qalyp otyr. 

Al «Manchester ıÝnaıted» qatarynan argentınalyq Lısandro Martınes, Dıogý Dalo, Aıden Heven, jartylaı qorǵaýshy Tobı Kollaıer, shabýylshy Djoshýa Zırkzee jasyl alańǵa shyqpaıdy.

Sondaı-aq taǵy bir kezdesýde «Tottenhem Hotspýr» (Anglııa) men «Bodo-Glımt» (Norvegııa) oınaıdy. 

Bul kezdesýge «Tottenhem Hotspýr» qatarynan qorǵaýshy Radý Dregýshın, shabýylshy Son Hyn Mın, «Bodo-Glımt» qatarynan qorǵaýshy Odın Bertýft, jartylaı qorǵaýshy Sıver Skeıde, shabýylshy Ole-Dıdrık Blomberg jaraqatyna baılanysty qatyspaıdy.

Al norvegııalyq klýbtan budan burynǵy oıyndardaǵy eskertýine baılanysty jartylaı qorǵaýshylar Patrık Berg, Hokon Even, shabýylshy Andreas Helmersen kezdesýge qatysýdan tys qalyp otyr.

Eske salsaq, budan buryn Chempıondar lıgasyndaǵy alǵashqy oıyndar ótkizildi.