Búgin birneshe óńirde úsik júredi

ASTANA. KAZINFORM — «Qazgıdromet» RMK baspasóz qyzmetiniń habarlaýynsha, 14 qyrkúıekte elimizdiń birqatar aımaǵynda qolaısyz aýa raıy boljanyp otyr. 

Astanada 14 qyrkúıek kúni túnde jáne tańerteń tuman túsedi. Túnde -2 gradýs úsik júredi.

Aqmola oblysynda túnde jáne tańerteń soltústikte, ońtústikte, shyǵysta tuman bolady. Túnde atalǵan aýmaqtarda -3 gradýsqa deıin úsik kútiledi. 

Almaty oblysynda túnde jáne tańerteń taýly jáne taýǵa jaqyn aımaqtarda naızaǵaı oınap, jańbyr men burshaq jaýyp, ekpindi jel turady jyldamdyǵy 18-23 m/s jetedi. Almatyda túnde jáne tańerteń naızaǵaı, Qonaevta túnde naızaǵaı boljanyp otyr.

Atyraý oblysynyń basym bóliginde tótenshe órt qaýpi saqtalady, batysynda joǵary órt qaýpi bar. Atyraýda da tótenshe órt qaýpi saqtalmaq.

Qyzylorda oblysynyń ortalyǵynda jáne soltústiginde shańdy daýyl turady. Soltústik-shyǵystan soqqan jeldiń kúshi 15-20 m/s. Oblystyń basym aýmaǵynda, onyń ishinde Qyzylordada tótenshe órt qaýpi saqtalady.

Qostanaı oblysynda túnde jáne tańerteń soltústikte, batysta, shyǵysta tuman túsedi. Túnde soltústik-batysta -3 gradýs úsik kútiledi. Ońtústik-batysynda tótenshe órt qaýpi bar. Qostanaıda túnde -1 gradýs úsik boljanǵan.

Shyǵys Qazaqstan oblysynda soltústik-batystan soqqan jel shyǵysta jáne ońtústikte 15-20 m/s jetedi.

Soltústik Qazaqstan oblysynda túnde jáne tańerteń batysta, soltústikte, ońtústikte tuman bolady. Túnde batysta jáne soltústikte -2 gradýs úsik kútiledi. Petropavlda túnde jáne tańerteń tuman túsedi.

Aqtóbe oblysynda kúndiz soltústikte, shyǵysta jáne ortalyqta jel soltústik-shyǵystan, shyǵystan soǵyp, ekpini 15-18 m/s jetedi. Túnde soltústik-shyǵysta -1 gradýs úsik kútiledi. Batysta jáne ortalyqta joǵary, shyǵysta tótenshe órt qaýpi saqtalady.

Abaı oblysynda shyǵysta jáne ońtústikte soltústik-batystan soqqan jeldiń jyldamdyǵy 15-20 m/s jetedi. Túnde batysta -2 gradýs úsik kútiledi.

Qaraǵandy oblysynda túnde jáne tańerteń soltústikte jáne shyǵysta tuman bolady. Oblystyń batysynda, ońtústiginde jeldiń ekpini 15-20 m/s jetedi. Túnde soltústik pen shyǵysta -2 gradýs úsik bolady. Ońtústikte tótenshe órt qaýpi saqtalady.

Mańǵystaý oblysynyń batysynda, soltústiginde jáne ortalyǵynda naızaǵaı kútiledi. Batysta soltústik-shyǵystan soqqan jel 15-20 m/s jetedi. Ońtústikte joǵary, al soltústik-batysynda, soltústik-shyǵysynda jáne ońtústik-shyǵysynda tótenshe órt qaýpi bar. Aqtaýda túnde naızaǵaı boljanǵan.

Ulytaý oblysynda soltústikte, ońtústikte jáne ortalyqta jeldiń ekpini 15-20 m/s jetedi. Ońtústikte tótenshe órt qaýpi bar. Jezqazǵanda 14 qyrkúıekte jel ekpini 15 m/s deıin jetedi.

Jambyl oblysynyń taýly aýdandarynda naızaǵaı kútiledi. Oblystyń ońtústik-batysynda, soltústik-shyǵysynda jáne taýly aýdandarynda jel 15-20 m/s, kúndiz ekpini 23 m/s deıin jetedi. Aımaqta tótenshe órt qaýpi bar. Tarazda da órt qaýpi saqtalyp otyr.

Batys Qazaqstan oblysynda túnde jáne tańerteń soltústikte, shyǵysta tuman kútiledi. Shyǵysta joǵary, al batysta jáne ońtústikte tótenshe órt qaýpi saqtalady. Oralda túnde jáne tańerteń tuman bolady.

Pavlodar oblysynda túnde jáne tańerteń soltústikte, batysta tuman túsedi. Túnde batysta, soltústikte jáne ońtústikte -3 gradýs úsik kútiledi.

Jetisý oblysynda shyǵysta, ortalyqta jáne taýly aýdandarda soltústik-shyǵystan soqqan jeldiń ekpini 15-20 m/s, kúndiz Alakól kólderi mańynda 23-28 m/s jetedi. Taldyqorǵanda kúndiz jeldiń ekpini 15-20 m/s bolady.

Aıta ketelik Alakólde jaǵalaýdy sý shaıý qaýpine baılanysty tótenshe jaǵdaı jarııalanǵan edi.