Búgin aýa sapasy nasharlaıtyn qalalar qatary kóbeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
«26 aqpanda aýanyń lastanýynyń qolaısyz meteorologııalyq jaǵdaılary Kókshetaý, Pavlodar, Oral, Aqtóbe qalalarynda, túnde Qostanaı, Atyraý qalalarynda kútiledi», delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Rıdderdegi kásiporynda ekologııalyq talaptardy buzýdyń 5 faktisi anyqtaldy.
Al Úkimette ekologııalyq qaýipsizdik konstıtýtsııalyq basymdyq retinde bekitiletini aıtyldy.
