Búgin Almatynyń bas shyrshasy jaǵylady
ALMATY. KAZINFORM – Búgin, 18 jeltoqsanda saǵat 19:00-de Almatynyń bas shyrshasy jaǵylady.
Bas shyrshany jaǵý rásimi Respýblıka saraıy aldyndaǵy Abaı alańynda ótedi.
Almaty ákimdiginiń habarlaýynsha, kesh aıasynda saǵat 19:00-den 20:30-ǵa deıin kórermenderge arnap arnaıy daıyndalǵan aýqymdy merekelik shoý-baǵdarlama usynylady.
Merekelik kesh sahnasynda Roza Rymbaeva, «Jigitter» toby, Álı Oqapov, «KeshYOU» toby, Baljan Bıdash, Mádı Rymbaev, «ASTRA» toby, Kodi sııaqty tanymal estrada ánshileri óner kórsetedi.
Sonymen qatar Abaı alańynda kishkentaı kórermenderdi Aıaz Ata men Aqshaqar, basqa da ertegi keıipkerleri qarsy alyp, keremet kóńil kúı syılaıdy.
Eske salaıyq, buǵan deıin qazaqstandyqtar jańa jylda qaı kúnderi demalatynyn jazǵanbyz.
