Búgin Aqtaýda mektep oqýshylary qashyqtan oqıdy

AQTAÝ. KAZINFORM — Aýa raıynyń qolaısyzdyǵyna baılanysty jalpy bilim beretin mektepterdiń mektepaldy daıarlyq jáne 1-11 synyp oqýshylary qashyqtan oqıdy. Bul týraly Aqtaý qalasy boıynsha bilim bólimi habarlady. 

Sondaı-aq kún raıynyń kúrt buzylýyna baılanysty saǵat 08:00 jaǵdaı boıynsha 1 Mańǵystaý oblysynda respýblıkalyq mańyzy bar avtomobıl jolynda kólik qozǵalysyna shekteý qoıyldy.

— «Dossor-Qulsary-Beıneý-Saıótes-Shetpe-Jetibaı-Aqtaý» avtojolynyń 332-718 shaqyrym aralyǵynda (Beıneý a. — Jetibaı a.) jol jabyldy, — dep jazdy QazAvtoJol.

Qazirgi tańda respýblıkalyq joldardy kútip-ustaýǵa 127 arnaıy tehnıka men 188 maman jumyldyryldy.

Eske sala keteıik, buǵan deıin búgin el aýmaǵynda tuman túsip, kóktaıǵaq bolatynyn jazǵan edik.