Búgin 7 qalada aýa sapasy tómendeıdi
ASTANA. KAZINFORM — «Qazgıdromet» RMK elimizdegi búgingi aýa sapasyna qatysty boljamyn jarııalady.
— 2026 jylǵy 30 qańtarda Pavlodar, Óskemen, Semeı, Rıdder, Aqtóbe, Almaty qalalarynda, túnde Astana qalasynda aýanyń lastanýynyń qolaısyz meteorologııalyq jaǵdaılary boljanǵan, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Óskemende aýaǵa taraǵan eki zııandy zattyń mólsheri shekti deńgeıden asyp ketken.
